Bushe Lesa ali kwata imbali iyaba nga ba mayo? Bushe aliba ngo mwanakashi?
Uku temwa kwa ba Lesa ukwaba nga Nina?
(Aya amalembo aya suma kuti yasangwa namuli ifi ifitundu English)
Conse iciTemwiko, no kuumfwa bwino oko ishina Mayo lipilibula Lesa ni fyonse ifyo no kucilapo
Umwina Kristu umo akale aishile ndembela no kunjebaati aya ama lembo yali isa mwisula amenso noku lenga amona Lesa munshila iyisuma. ninshi napwisishe ukubelenga aya amalembo, nali monapo ubu pusanyo! alembele ati, lilyaline napwisishe fye ukubelenga aya amalembo, naliunfwa kwati kuti nalanda na Lesa ngo mu fyashi nakabili. Ali isa mona Lesa nga kacingilila wakwe. Ukwishiba Lesa nga kacingilila wakwe kwali munfwisha bwino. Ali isa ishiba ati kuti atetekela Lesa uku sunga nokuba mu cipangano nankwe na futi.
Ifyo apitilemo nafipala na nefyo nalalandapo mu malembo aya. Nangu wali mwishibisha Lesa, ipepo lyandi lya kwebaati aya amalembo yabe nge ndeke iya ku kupupusha oko Lesa alefwaya mube; ukuba mucibusa nankwe na kumwishiba.
Muli Luka 15 Yesu alatweba ifi langililo fitatu: Impaanga imo iya lubile, impiya isha lubile, no mwana umwaume uwa fumine pa nganda no kuya onaula impiya ba Wishi bamupeele. Mulifi ifilangililo, kuti twa mona ati Lesa naipalanya kuwusunga no kumona impaanga na, kuli Wishi (Tata), fwe bambi tula papa, ukwishiba ati Yesu alepalanya Lesa ku mwanakshi (Luke 15:8) mu cilangililo cha chibili. Bushe ici kuti ca tu papusha? Lesa umwine ngaali twebaati aliba bumbile no kubapanga bonse umwaume no mwanakashi mucata cakwe (Ukutendeka 1:27)
Ndelemba pali Lesa uku ba nga Wishi (umwaume) na Mayo (Umwanakashi) pantu ili ilyashi, li latwikata no kutulanga ifi nga tu letela ifyo imitima shesu shi kabila no kufwaisha isenge pakati kobe na Lesa.
Ilyashi ilya kuba umwaume nangu umwanakashi, aba sungu balita ati Gender ili ilyashi lya Gender likuulu sana. Ifi efi tu panga. Gender, eyo abantu bonse ba twishibilako.Ukwishiba Lesa nga Tata na Mayo kula tu letela insansa ishikuulu sana.
Uku tontokanya pali Lesa nga mayo na Tata kula twikata sana. Uku mwishiba ngo mu fyashi kula tunfwisha bwino sana fye. Abantu obo twa ishibisha ba fyashi besu aba tu kusha uku fuma ku bwaice bwesu. Ifintu nga fya ta fi leya bwino muku tetekela abafyashi besu abatu fyala, ici cila lenga twa kula abantu aba ku kana ukula tetekela abantu bambi. Kano nga ba Lesa batu kakula noku tu posha. Balya abakulu mu maynda umo ba Wishi ba kalipa sana bala kula bale tontonkania no kuomona ba Nina nga ebababwino. Ici cilalenga twa mona kwati na Lesa ali kalipa.
Ukulundapo, balya abaishiba icishinka ica mumafunde limo balataaluka ku mafunde aya shili yakwa Lesa aya landa ati Lesa ni Tata fye te Mayo. Ukumona kwati Lesa mwaume fye kula lenga no kuleta umwensu mu bangi. Limolimo umwenso ulatu cingilila, bati umwenso limo na o ulalenga twa filwa no kukana ukufwaya nokwishiba Lesa wa mu Baibo bwino bwino. Ubucinigililo bwesu ni Mupashi wamu Shilo, Mupashi wamu Shilo ta leta umwenso.
So ili ilyashi ilya kwa Lesa ukuba nga Tata na Mayo no kumupalanya ngo mu fyashi paku mwita Tata, kula twikata sana no kulenga twa mona Lesa ngo muuntu umusuma sana ukucila abantu bonse pano isonde.
Abantu abakula naba wishi bwino ukucila balya aba kula naba fyashi babo aba kalipa teti nga taba poseleko amano kuti ba filwa ukumona no munfwa bwino Lesa nga Tata.
Lesa uwa ci shinka ni Lesa uwa temwa icishinka. Uku tiina no mwenso fi fuma kuli satana, umu lwani waci shinka.
Nangu ni fwe bani, ifingi ifi landwa pe lyashi ne funde ili li, fi sokolola ifibi ifyo tu cita na matontonkanyo yesu uku cila umutima wakwa Lesa nangu efyo Lesa aba. Uku kwata icitetekelo ca ku fumyapo aya amatontokanyo ayabi tu fwile twalolekesha mwi lyashi ili sana epo tatula mona ifyo Baibo ilanda pali Lesa nga Mayo.
Ifi Lenge Imeo Shesu Shi wame
Tiyeni twaambile paku kusha ubu kabilo bwesu ubwa kwishiba fyonse efyo twingeshiba pali Lesa muku kusha no kwishiba ifi lenga imeo shesu shi wame. Ifilenga imeo shesu shi wame nokunfwa bwino bu kuula kwa cibusa eco twa kwata naba Lesa nokwishiba no kusambilila inshila sha uyu umuntu (Lesa) uwa wamisha uku cila abantu bonse. Filya fine akanya (ka bebi) keshiba ba nina, naifwebene kuti twaishiba Lesa ngo mu fyashi wesu umu suma. Kuti twa mu temwa noku ku mwishiba ngo mu fyashi no munensu. Limo uku ukukana aishiba ifi kula leka twaba aba kalipa. Uku kuula mu mano yesu nokwi ishiba Lesa, ku fwile kwa tunfwisha bwino nga filyafine umulumendo no mukashana abali mu citemwiko bonfwa bwino paku ba bonse ukuti beshibane.
Ba Lesa ba maka yonse ba kuulu sana ukutu cila, bala twelenla nga twabembuka olo twakana uku tontonkanya bwino bwino nangu twafilwa ukubelenga no kunfwikisha icebo cabo bwino bwino. Tu lafwaikwa ukuba aba icefya, aba ku kabila icishinka, noku ku kabila ukuba mu ci temwiko na Lesa nga tuli muku mwishiba ngo mufyashi wesu. Tu fwileukwishiba ubu sokolola pafyo aba uku lingana nefyo icebo citwe ba.
Uku belenga noku tontokanya pa malembo ya muli baibo, yala tweba ati Lesa afwaya twa mwishiba ngo mu fyashi no munensu. Afwaya twa mwishibisha nge fyo ababa. Afwaya twa mwishibisha ngo muuntu umusuma. Tiyeni tu moneko na muli Baibo:
Abena Roma 1:21-22 pantu, nangu line ba ishibe Lesa tabamucindike kuti e Lesa nangu kumutotela, lelo uku pelulula kwabo kwa sangwike ukwa fye na ku mitima yabo iya bubwelewele kwalifiitile. Nangu ca kuti baleimona ukuti ba mano, ba sangwike aba tumpa.
Yeremia 9:23-24 Lesa atile: uwa mano eitakishishe pa mano yakwe, kabili uwamaka eitakishishe pa maka yakwe. No wa fyuma na o eitashihse pa fyuma fyakwe. Lelo uuleitakishishe pa kwiluka no kwi shiba ine, kuti nine Lesa, uwaba no Luse ulukalamba, ubulungi no bulungamimwi sonde; pantu ifi fintu e fyo nsekelamoe fyasosa Lesa
Yohane 17:3 Nomba pakuti babe no mweo wa muyayaya kano baishiba imwe mwe Lesa wa cine mweka, na Yesu Kristu uo mwatumine.
Yobo ali shibe Les asana, na baibo ila tweba:
Yobo 1:8 Kabili lesa atile kuli Santana Bushe naubika umutima obe pamu bomfi wandi Yobo noku mona ukti tapaba uwa ba nga pe sonde, umuntu uwa kaele kabili umulungami uutiina Lesa kabili uutaluka ku fyabipa.
Kanshi nangu uyu umwaume alishibe Lesa, Bati uyu umwaume taikatishe icishinka pali Lesa, kuntanshi yanshiku aishile sosasa ati:
Yobo 42:5-6 Amatwi yandi yali unfwile pali imwe nomba amenso yandi ya mi mona. Kanili na lapila mu lukungu na mu mito.
Na balya aba tetekele muli Yesu tabaishibishe Lesa:
Yohane 8:31, 54-55 E ico Yesu kabili ku baYuda abamutetekele . . . Ba Tata bandi ebo mu tila ati niba Lesa wenu, eba ncindika noku nsubule . . . Ta mwa mwishiba, nali mwishiba . . .
Esaya 55:9-8 Pantu amatontonkanyo yenu te matontokanyo yandi, ne nshila shandi te nshila shenu te nshila shandi te nshila shandi, e fyo Lesa asosa. Pantu e fyo umuulu wasnsuka ukucila isonde, e fyo ne nshila shandi shacila inshila shenu, kabili e fyo ukutontonkanya kwandi kwacila ukutonkanya kwenu. . . .
Amalango 119:18 Isuleni amenso yandi kuti ninga mona ifi pasha amano ifya mu ma funde yenu.
Mateo 16:17 Na o Yesu a-aswike, wali paalwa, simon mwana Yona, pantu te bantu abasokolwela ici kuli iwe, lelo ni Tata uwaba mu muulu . . .
Yeremia 29:13 Ukanfwaya, nokunsanga nga wanfwaya no mutima wobe wonse.
Ukufuma 33:18-19 Mose atile: mukwai nengeni ukumona ubukata bwenu. Lelo atile na lenga umone ubusuma bwandi bonse, no kuti wishibe ishina lya kwa Lesa; kabili uo nkafwaya ukupaala no kubelela uluse uo nkafwaya uku belela uluse
Marko 12:28-30 Nomba umo pali bakalemba uwaishile aipwishe . . . lifunde nshi ilyantanshi pali yonse? Na o Yesu a-aswike ati: Ilya ntasnhi ni li unfweni mwe bana ba Israele, Lesa wesu ni umo. Kabili muletemwa Lesa no mutima wenu onse no kutontokanya kwenu konse na maka yenu yonse.
Efese 1:17 ukuti Lesa wa kwa shilulu ifwe Yesu Kristu, umwine wabukata amupe umu pasha wa mano kabili munfwikishe ifyo asokolola.
Natu pepe:
Mwe Lesa,
Ubukuulu bwa busuma bwenu, ne nshila shenu ishi tashi filwa, ubukuulu bwa Mano yenu, amaka yenu aya sha kwata impeela, ubukuulu bwa citemwiko cenu na fyonse efyo mwaba, fila pitilila amano yesu. Nangu fyonse efyo mwaba fila tu pita, tu lemifwaya no kumikabila. Uku mishiba ku mitemwa, noku mitemwa ku fwaya uku mishibisha.
Nga tatwa ufwikisha ifyo mwa landa nefyo mu tweba uku cita, no ku isha uwa kalipa no wa kunfwa ububi, tu le milomba kuti mwi nga fumyamo fyonse ifibi mu mutima shesu noku to sokolwela efyo mwaba. Lesa, nga muli ba suma, nga mula peela, nga muli ba citemwiko, nga muli ba maka yonse, nga mwali ba fyonse ifi suma, tu lemilomba ati mu twisule amenso kuit twinga mimona bwino bwino. Kuti twinga mimona nge fyo mwaba.
Tu lemilomba kuti mwinga fumya fyonse ifi lecilikila inshila efyo ukutontokanya kwesu kwa lenga. Tu lefwaya imwe mu sekeshe imitima shesu, no kutu twala pa lwendo ulu suma ulu shi filwa.Ulwendo naimwe ulu sha kwata impeela.
Amalango 32:15 . . .E fyo ashile Lesa, uwamubumbile, noku suula icilibwe casansuka ice pusukilo lyakwa.
Baibo . . . iletatwebaati Lesa, cilibwe. Ilyo ishina likuulu sana pantu lilatweba ifyo Lesa aba ukuti twinga mwishiba bwino bwino.
Uyu Lesa ni Lesa uwamaka. Kuti twamona na lintu Yesu alufishe abasambi bakwe (ama deciples bakwe) abengi ninshi abebele fye ati bafwile ukulya umubili wakwe no kunwa umulopa wakwe. Mucifulo ca kuba londolwela ifi bwino bwino, Yesu, a-bonfeshe ifi mu kumona balya abalefwaya no kukabila Lesa uwacine na balya abalefwaya ka lesa akakuipangila, akacita ifyo bafwaya. Ka lesa aka fwaya icitetekelo icinono ni ka lesa akanono akatontonkanya nga bena.
Ngo lefwaya Lesa uwakuipangila, ninshi kuti caba icakubipa, pantu ninshi iwe, uleitipa no kuitwala kunfwa.
Ngo lefwaya ukusekela mu bwikalo bobe, ufwile wa suminisha no kwishibaati te lyonse ifintu fikalaenda efyo ulefwaya . . . Ngo lefwaya Lesa uwakwebati kuti waishiba ifyo aletitila ifyo acita lyonse Lesa uwakwebati takulakufulwisha, uwakulakwishibisha ifintu fyonse inshita yonse, na lesa uwushilenga ubukali ninshi iwe taulefwaya Lesa uwacishinka. Nishi iwe ulefwaya Lesa uwkuipangila, ninshi taulefwaya Lesa uwacitemwiko. Ninshi taulefwaya Lesa uwingabonfya fyonse ifyo akwata amano yakwe, ubusuma bwakwe amaapalo yakwe nafyonse ifyo akwata pali iwe pamulandu wacitemwiko akukwatila, kuti twingakwata no kwenda munshila iyisuma iyakukuletela insansa.
Baibo mukwita Lesa icilibwe cipilibula ati kuti twashintilila muli ena no kushala abaiminina. Baibo ilatwebaati Lesa ni Tata wesu.
Paku landa ati Lesa cilibwe tacipilibula ati Lesa aba nge fimabwe e fyo abumbile. Olo ati Lesa tonfwa nangufimo nangu tatontonkanya. Cipilibula ati; kuti twashintilila kuli ena inshita yonse. Cipilibula ati Lesa alikwata amaka ukucila abantu bonse. Cimocine no ku landa ati Lesa ni Wishi. Lesa ukuba Tata tacipilibula ati Lesa teti abe Mayo. Tufwile ukubelenga Baibo pakuti yatusokolwela icishinka.
Kuti twamonakwati Lesa alitala ngaamabwe. Bati Baibo itu isokolola no kutulanga ati Lesa wacitemwiko, aliba bwino, ta tana, ilatulanga ati Lesa alatuposako amano. Ilatusokolwela ati Lesa cilibwe cesu icakushintililako inshita yonse, mubukote, ngatatukwete, mumwenso na muli fyonse fye. Lesa cintelelwe cesu ico tufwile ukubutukilamo no ku fisama inshita yonse.
Libembu ukuipangila Lesa uotulefwaya. Tu fwile twa fwaya Lesa uwacishinka uwamu Baibo noti Lesa uo tu fwaya mumano yesu (Lesa uwakuipangila mu mano yesu) uwushilingana no kupalana namalembo yamu Baibo
Nangu ba wiso ba lakusekesha no kukunfwisha bwino, ici tacipilibulaati Lesa teti akusekeshe ngo mu fyashi . . . bambi kuti balandaati ba Tata abanfyala balintemwa, balangufwisha nabwino so nalishibe ifyo cunfwika ukunfwishwa bwino. Ba Lesa nabo kuti bakunfwisha bwino no kuba Tata obe ukucila nefyo abafyashi bobe benga kunfwisha bwino. Kuti bakupala ukucila nefyo abafyashi benga ku pala. Nangu tu mwishibe shani Lesa, kwaliba nafimbi ifya kwishiba pali ena. Nangu tu mwishibe shani, tatwaishibisha sana efyo aba.
Ngo munandi umo uwalandilepo fimo no kundebele lintu abelengele aya amalembo:
Ba Lesa cilibwe, te cilibwe fye! Lesa ni ba Tata, te ba Tata fye. Ukulandaati ba Lesa niba Tata fye kuti capilibulaati ba Lesa baba ngo muuntu. Nefyo tu filwa ukucita, nabo kuti bafilwa. Olo ninshi Ba Lesa besu bakuulu sana tapali efyo benga filwa.
Kwaliba abantu aba mona kwati abaume bantu ababi. Ici cilalenga ba kwata amatontonkanyo yamoyene napali Lesa. Ba mona Lesa ukuba Tata ati mwaume. Yesu umwaume uwa kaele ne cimpashnya ca mutima wakwa Lesa alililile kabili alikwete umutima uusuma no wacikuku. Nga twamona na mu Baibo, kuti mwasanga ati abaume aba lelwa inkondo nabaishibikwe sana balelila nabo. Abena David, Paulo, Petro na bambi abashala. Mwe benga kwanisha uku belnga muci sungu kuti mwa monako nayambi amalembo; the vast number of biblical references to men crying. Kuti mwa papa nga mwati muyamone amashina yaba ume aba lililep.Abengi bamona kwati abaume tabalila. Nge fyo naifwe tu tontonkanya ninshi ici kuti ca tu langa ati tatulaishibisha ifyo Baibo ipilibula ukuba umwaume.
Icintu cimo ico Baibo itusokolwela ca kwebaati Lesa te muntu. Kabili taba ngo muntu.
Impendwa 23:19 Lesa te muntu, uwa kuti abepa, kabili te mwana wa muntu uwa kuti aluke. Bushe kwaliba ico alanda no kukana cita, kabili bushe abala afwile ukucita ico alanda?
1 Samwele 15:29 Kabili uwapulamo wa kwa Israele tabepa ubufi kabili talanguluke, pantu te muntunse uwa kuti alelanguluka.
Abena Roma 1:23 No kulapeela ubukata bwa kwa Lesa uushingafwa ku muntu umwine kufwa na ku fyuni na ku fya mmolu yane na ku fikulika pa nshi . . .
Lesa te muntu. Lesa te mwaume, kabili te mwanakashi.
Yonse amapepala eyo ba peela ku cipatala, ku masikulu elo ukuli konse fye, paliba pamo apakukwasuka ngo li mwaume nangu umwaume. Kabili nelyo wafyelwe. Lesa teti asuke aya amepushu. Fyonse ifya pangwa pano isonde efingasuka aya amepusho. Ba Lesa abapulamo teti basuke aya amepusho.
Bushe Lesa mwaume nangu mwanakashi? ili ipusho limoline ne pusho, Lesa ali ne myaka inga? Uku ba umwanakashi nanagu umwaume kulanga ukukana kwaninisha fyonse. Lesa alikwanisha fyonse. Elo alikwata fyonse ifintu.
Uku tonkanya ati Lesa mwaume nangu mwanakashi mu buntunse te tontonkanyo fye ilya kuluba, li tontonkanyo ilya kutuka Lesa. Lesa ni Lesa. Ali kwanisha ifintu fyonse.
Lesa te mwaume nangu umwanakashi, kabili Lesa ta kwata no mubili. Lesa wa citemwiko kabili alibabwino. Lesa mupashi. Twali mu pala. Twa pangilwe ukuba mu citemwiko nankwe. Less alipusana naifwe nga filyafine nina apusana mu mano ngo mwana wakwe umunya.
Ngo lefwaya uku landa icintu e co wishibe ati tapali kabili takwaba icingalingana nacilya pano isonde, ulya uulefwaya ukucilanda kulaba nge ciloto icibi kuli ena. Teshiba umwaku cilalandila. Amashiwi yalacepa. Ifyo abantu bambi limo bamona kwati fisuma sana, kuli bambi ico kuti caba ciloto icibi.
Lesa wa bena Kristu ngali pala Wishi wa pano calo uo abantu baishibaati Tata (uwabafyala), ninshi kuti twa kwata insambu isha kumupata no kumukana.
Fwebengi ishina Tata talifumya ukutemwa nensansa. Kabili, tali fumya no kumona ba Tata abatu fyala nga ba kacingilila nangu umuntu uwakutulanga inshila no kutukusha bwino. Lesa apangila Tata ukuba umuntu uwakulanga icitemwiko kumwana wakwe. Lelo, Ishina Tata (Wishi) lipilibula fye fimbi. Tata alingile ukuba umufyashi umusuma no kulanga icitemwiko ku bana bakwe. Lelo, iliishina Tata lyalyonaika. Mwe benga kwanisha ukubelenga icisungu kuti mwamonako na The Degradation of Fatherhood Nga mulefwaya ukwishiba icalenga Tata aba umubi kubana bakwe no muntu uwabula ukuposako amano ku bana bakwe.
Aya amalembo te yakushitisha.
Not to be sold. © Copyright, 1999, 2005, 2007, 2010, 2012 Grantley Morris. Kuti mwayasanga pa internet site www.net-burst.com. Tawa lipeela paku pokelela, naiwe peela ukwabula ukupingula. Nayambi amalembo ayasuma aya landa pa li Lesa eyo alemba.