Met die eerste opslag, lyk God se wil so verdrukkend, beperkend, dat dit jou bang maak. Ons is bang dat daar vir ons gesê gaan word om na 'n verskriklike plek toe te gaan, of dat ons iets vernederend sal moet gaan doen. Maar in werklikheid is ons vrees vir God se versoeke so onnatuurlik soos wat 'n geliefde baba se vrees vir sy Mamma se bors sou wees, soos 'n kind bewend van die koue, sonskyn sou vrees, soos 'n sieke gesondheid sou vrees. Om God te gehoorsaam, is om vaarwel te sê vir foute, en vir spyt, en die deur oop te maak vir opgewondenheid en prestasie.

Niemand verstaan jou soos jou Maker nie. Niemand ken jou toekoms soos jou God nie. Niemand het jou beste belange op die hart soos die Een wat Sy bloed vir jou gestort het nie. Niemand kan vir jou geluk bring soos die Skepper van seks en sonsondergange, sig en klank, aanraking en smaak, lewe en prag nie. Hy alleen bied die hemel aan.

Wanneer jy dit analiseer, kan niks meer opwindend, bevredigend, en lonend wees as wat God se begeertes vir jou is nie. Vrees vir die wil van God is só irrasioneel, soos as wanneer jy bekommerd is oor wat die beste motorwerktuigkundige aan jou motor gaan doen, om so dom te wees om self 'n bom onskadelik te stel, in vrees dat die kundiges dit nie reg sal kan doen nie. Die Almagtige, die Skepper en Verlosser, is daaraan toegewy om jou geluk te vermeerder. Meer nog - het Hy Goddelike kennis. Wanneer God jou vra om iets te doen, skenk hy jou die unieke voorreg om uit die grootste Intellek van die heelal te tap. Jy het die geleentheid om iets goddelik skrander te doen. Ondersoek die gedagte later. Dit kan 'n hele nuwe dimensie by jou lewe voeg.

Verontagsaam jou Maker se reg om jou te vertel wat om te doen. Hy het maar net vir jou jou lewe, en elke enkele ding wat jy nog ooit in jou lewe aangeraak het gegee. Hy hou maar net elke atoom van jou bymekaar en het jou die breinselle gegee om mee te kan dink. Vergeet dat Christus jou trou gekoop deur Sy lewe te ruil vir joune, waar Hy die duiwel se speelding aan die kruis geword het sodat onheil jou nie kan aanraak nie. Kyk die krag van God, wat jou ewige bestemming bepaal, mis. Oorweeg maar net-net God se oneindige kennis, perfekte goedheid, en self offerende toewyding, vir wat die heel beste vir jou sal wees. Dít alleen is genoeg om jou te dwing om tot die slotsom te kom dat om God se geringste voorstel te verontagsaam, die hoogste vorm van dwaasheid is.

Nog 'n opwindende ding omtrent God se will vir jou is dat dit nie slegs perfek gemaak is deur oneindige liefde nie, maar dat dit ook deur oneindige krag gerugsteun word. Dit is nie net slegs bereikbaar nie, dit is onstuitbaar! Vir solank as wat jy Jesus toelaat om jou lewe te regeer, sal niks dit in die wiele kan ry nie. Glo jy dat God Almagtig is? Glo dan dat Hy elke swakheid van jou kan vernietig. Hy kan niks van jou vra wat Hy nie deur jou kan doen nie. As hy 'n spikkeltjie liefde het, of enige respek vir Sy reputasie, sal Hy jou nie 'n opdrag gee, en jou dan verlaat om jou eie potjie te krap nie. Dit is só opwindend wanneer God die onmoontlike van jou vra - 'n wonderwerk is net om die draai!

Aangesien God, in Sy liefde dit begeer om te sien dat jy jou hoogste potensiaal bereik, sal Sy begeertes jou bevoegdheid tot die uiterstes strek. Satan probeer hierdie aangrypende waarheid te verdraai in iets om voor bang te wees - daar is altyd iets meer vreesaanjaend om God se wil te doen - om nie God se wil te doen nie. Die enkele feit dat dat ons God se liefdevolle wil vrees, is duidelike bewys dat God 'n geestelike vyand het wat ons bombardeer deur dodelike onwaarhede na ons gedagtes te stuur. Niks kan wyser, of beter wees, as om gehoorsaam te wees aan die God wat 'n opofferende verbintenis het om jou net die heel beste te gee nie.

God wat jou versoek om iets te doen, is die Almagtige Here, besig om Sy begeertes vir jou om Sy beste te geniet, uit te druk. Gehoorsaamheid is om daardie liefde in ontvangs te neem, behaaglik en genotvol in die wonder daarvan. Perfeksie en sekuriteit van God se hunkering vir jou welsyn. Ons is net ongehoorsaam, wanneer ons heimlik glo dat dat ons slimmer as God is, dat Sy liefde vir ons minderwaardig is, of dat dat Hy só swak is dat ons onvermoë Sy krag tot nul sal laat daal. Gehoorsaamheid is liefde wat werklikheid gemaak is.

'n Korrekte gesegde is dat God se wil die grootste goed is wat Sy oneindige wysheid kan bedink. Verlustig jou daarin. Ondervind die voortreflike perfektheid van Sy liefdesplanne vir jou. Ontspan dan in die luuksheid van sekuriteit, wetende dat van elke moontlike alternatief, het jy die heel beste gekies.

Let daarop dat onderwerping aan God is om God, God te laat wees - om Jesus Sy regmatige plek in jou lewe te laat ken. Die klem lê nie op jou wat poog om gehoorsaam te wees nie, maar op Jesus wat regeer. Dit is om Hom toe te laat om die werk te doen. Om dit te vermy om verantwoordelikheid op onsself te neem wat nie aan ons behoort nie. Die Bose sou hierdie baie graag wou verdraai in 'n sombere afjak, maar dit is eintlik 'n wonderlike verligting. Ons is vry om die lewe as God se kinders te geniet, en al die harde werk vir Jesus te los. Ons het nie nodig om onsself aan God te bewys nie, Jesus het dit reeds gedoen. Ons hoef nie sonde te oorwin nie - Jesus het dit reeds gedoen.

Onderwerping aan God moet nooit gesien word as die nakoming van 'n stel reëls nie. Dit is vervelig en koud. God is nie één daarvan nie. Om 'n lys van moets en moenies te volg nie 'n volging van God die Persoon nie, maar om iets onpersoonliks te volg. Dit bring die groot gevaar mee om God uit te sluit. Onderwerping aan God, is om God die Persoon lief te hê, en so na as wat jy kan aan Hom te kom, en krag, vertroosting en rigting van Hom te ontvang. Dis om te bestuur met God op die voorste sitplek saam met jou, terwyl jy Sy geselskap geniet. Van tyd tot tyd in jul gesprekke sal dinge sê soos 'Draai links . . . Jy sal hier 'n bietjie stadiger moet ry . . . Laat my toe om jou 'n kortpad te wys . . . Die volgende deel is maklik, ry net soos jy verkies! Ek weet jy sal dit goed hanteer . . . Verder aan word dit moeilik. Dit is beter om My daardie deel te laat bestuur.'

Kom ons wees eerlik. God se aanwysings is selde só duidelik, alhoewel as 'n situasie so 'n graad van duidelikheid vereis sal Hy dit gee. God lei meestal deur vae gevoelens. Dit kan frustrerend wees, maar is vir ons 'n geleentheid om ons geloof te laat groei, om God te vertrou om te lei, met watter graad van duidelikheid Hy in Sy Alwysheid weet die beste vir ons sal wees, terwyl ons ons deel doen deur nader aan God te beweeg en ywerig te luister. Dit lyk asof ek en God voortdurend in 'n argument betrokke is. 'Praat harder!' sê ek die hele tyd vir God. En ek dink dat hy my antwoord met 'Luister harder!'

Waarom die wil van God opwindend is

      Wanneer jy 'n kritieke besluit moet neem, wat sal jy gee om toegang tot iemand te hê met oneindige kennis. Hy ken elke feit van elke heelal, die hele toekoms, en alles wat in die verlede gebeur het. Hy kan jou fassineer vir weke net om jou dinge oor jouself te vertel wat jy nooit self eers geweet het nie. Hy kan vir jou vertel hoeveel millimeter die nael van jou derde toon aan jou linkervoet in die laaste 6.34 jaar gegroei het, hoeveel asemteue jy gegee het op jou vyfde lewensdag, wat jou pa se gedagtes was toe hy vir die eerste keer hoor dat jy oppad is - die werklike rede waarom jou eerste romanse geëindig het soos dit het, water vergete insident veroorsaak het dat 'n vreemde vrees jou so lastig val.
      Al die geheime van jou vyand sal bekend aan Hom wees. Hy sal weet wat daardie aantreklike vreemdeling op die bus van jou gedink het. Hy sal weet wat jou baas dink terwyl hy besig is om te stort.
      Wat daarvan as Hy ook die verstommende intelligente krag het om elke vertakking van elke gebeurtenis (hoe klein ookal), te ken, elke reeks van gebeurtenisse, van alle ewigheid deur elke aksie? Die veronderstelling van soveel kennis, laat die verbeelding ontplof. Hy kan die presiese mengsel van kort en langtermyn geluk wat die beste vir jou sal werk aanmaak. As ons onsself elke dag die hele dag lank net sou pamperlang, sal ons langtermyn geluk geweldig skade ly, tog om alles op te gee vir langtermyn voordele kan ons so moedeloos en neerslagtig maak dat ons nooit ons finale doelwitte sal bereik nie. Hy sal jou perfekte oplossing hê.
      Gestel hy ken ook die ware funksie en doel van alles.
      Stel jouself die implikasies van Sy integriteit en morele oordeel wat onberispelik is voor. Hy sal absoluut goed wees en weet hoe om die goed in elke situasie te vermeerder tot die maksimum.
      Sou om Sy insae te hê nie die wonderlikste ding wees wat ooit met jou kan gebeur nie?

      God se liefde vir jou is só groot dat Hy daarna verlang om sy oneindige Bronne op te stel om presies vas te stel wat in jou beste belange sal wees. Hy bied Sy onvergelykbare geskenk onbaatsugtig aan, nie net vir tien minute nie - maar vir 'n leeftyd!

      Hoe kan ons plek op 'n vliegtuig bespreek as ons nie weet watter een dit is wat gaan neerstort nie? En tog maak ons gereeld baie gevaarliker keuses, in die uur, sonder om enige van die gepaste feite te ken.
      Ons kies huweliksmaats, sonder om enige idee te hê van hoe die verwoester van tyd hulle sal aanval, of hulle more permanent verlam sal wees, of hul verstand sal verloor, of sterf, sonder om te weet hoe wild hulle toekomstige inkomste en besteding sal duik, of opstyg, sonder om te weet of hul ongebore kinders gebreklik of haatlik sal wees en hoe hulle hulle gaan behandel, sonder om te weet, as en wanneer ons aanstaande gades se goedhartigheid en minsaamheid na wreedheid gaan verander, en hulle liefde na walging of selfs haat. Vergeet die toekoms, ons weet skrikwekkend min selfs van hulle verlede. 'n Basiese ding soos om hulle gedagtes te lees is ver bo ons vermoë.

In my vrees dat ek iets van die betekenis van die oorspronklike Engelse stuk deur vertaling verlore kon laat gaan het, wil ek jou aanmoedig om die stuk in die oorspronklike Engels te lees.

Nog Webblaaie in Afrikaans beskikbaar

Jy is geliefd! Ken God se liefde vir jou

Jy is vir God spesiaal

Jy Kan Liefde Vind: Wat Jou Fantasieë Ontbloot

Ander temas

INDEKS - AFRIKAANS

Stuur 'n E-pos aan die vertaler, Elna Smit: afrikaan@net-burst.net (Afikaans or English)

Stuur 'n E-pos aan die skrywer, Grantley Morris: desert@net-burst.net (English only)

Vir vele meer inspirerende, gevoelvolle, soms skreeusnaakse skrywes, vrylik op die internet beskikbaar by die volgende adres: www.net-burst.com Jy het vrylik ontvang, gee vrylik.

Related Webpages

Hearing the Voice of God

Life’s Mysteries Explained

[Much More] [Bless & Be Blessed by Facebook] [Daily Quotes] [My Shame] [E-Mail]

Not to be sold. © Copyright 1996-2000, Grantley Morris. May be freely copied in whole or in part provided: it is not altered; this entire paragraph is included; readers are not charged; if used in a webpage, the new page is significantly different to this one. Many more compassionate, inspiring, sometimes hilarious writings available free online at www.net-burst.com  Freely you have received, freely give.
For use outside these limits, consult the author.