1. Umwana waka Lesa asumwine umulopa wake pamulandu wobe Lesa alikutemwa no mu tima wakwe wonse. Aliku temwe ne ci temwiko cakwe conse. Ici ci pili bula ati nolo atemwe bambi teti abatemwishe ukucila ifyo akutemwa.

Namayo umo uwa belengele ifi atile:

Na lefwaya uku landa ati , “Lesa alintemwa no mutima wakwe wonse” bushe ci shinka alintemwa nomutima wakwe wonse? Ba Grantley, mule lundilakofye!” Bati Lesa ali isa ndanga Yohane 17:23:

Ine muli bena, nabena muli ine. Ka bese ba be pamo uku langa ica lo conse, kuti ci ngeshiba ati mwalintumine ilyo mwalibatemwa ngefyo mwantemwa. (Na lunda po naine.)


Pa kupepelela abalemukonca na balya abenga mu konka kutanshi yanshita (verse 20) Yesu atile Lesa ali ba temwa (ine!) nge fyo Lesa atemwisha Umwana wakwe uwa shila no muyayaya!

Teti inpitilile kunuma; olo uku laba kofeye. So ifyo ninga cita ku land po fye. Lesa ali tu lembela mu cebo cakwe noku dinda po no mulopa wamwana wakwe ati Kristu muli ine – ilyo Lesa alintemwisha kwati ifyo atemwa Kristu. Ilyo Lesa teti atemwa nemitima shibili olo panono. Mailo nalele nde tontokanya pelembo ilyo.

Nga wa temwisha umuntu, ulya umuntu alaba pa mu tima wobe inshita yonse. Pantu Lesa Lesa ali ku temwisha no mu tima wakwe wonse, ci pilibula ati ulaba pamu tima wakwe inshita yonse uku cila nefyo wingesha ukwingililapo.

2. Epo Lesa tala twelela bonse twali abafwa kumupashi. Icebo ci tweba ati umuntu wonse pano pacalo ali uwafwa kumupashi kwisambi. Teti ufwe uku cila ukufwa. Lesa teti alende ati nali mu temwa uku cila ulya pantu ena imembu shakwe tashili nga ulya.

Uku pitila muli Yesu, kuti Lesa atwelela ku membu shesu. Lesa nga lolehsa umuntu uwa elelwa, teti asange mo ulubembu nangu lumo. Lesa nga kwelela teti asange umuntu pano pesonde uwa elelwa uku kucila.

Ukwa bula Kristu, bonse twaba abafwa kwi sambi. Muli Kristu bonse twaliba aba elelwa.

3. Lesa wamaka yonse. Ico ci pilibula ati ta fwaika amaka uku cila bambi.

Lesa nga lebonfya fye aba ice, olo abakulu, olo aba maka, olo aba nonka, olo aba cula, olo aba ishibika, olo aba sambilila, ninshi Lesa ni Lesa uwu shakwata amaka. Ninshi atetkela noku lolesha mu maka ya bantu; ninshi ali cula atetekela mu muntu uku mu peela impiya; ninshi ta kweta amno atetekela mu mano na ma sambililo ya bantu.

4. Lesa alitemwa uku bonfya ifintu ifi nono na fi lya tu mona kwati tafya kwata incite. 1 Korinti 1:26 ilanda ati, ‘Ibukisheni ifyo mwali ilyo mwaitilwe. Pali imwe ba nono fye abbaali na mano. Ku buntunse abaitilwe, abengi tabakwete ne fifulo fya maka, na bashimucindikwana bo bali fye aba mpendwa. Lelo lesa asalile abawelewele ba muli ici calo, ku kulenga aba mano bekatwe insoni; kabili Lesa asalile abanaka aba pano calo kulenga abakosa bekatwe insoni. Lesa acitile ifi.’ Baibolo ya twalilila ‘ pa kuti umuntuse nangu umo eitakisha kuli Lesa. Lelo ni pamu landu wakwe wabela muli Yesu Kristu.’

Mu Baibolo, ibuku lya Yona li la moneka ili nono.lya kwata fye ama pepala aya ma limbo yabili-yatatu ubu tali. Ilingi indofwa ifi: ubunono nalimo tapali ifyodi. Indonfwa kwati tapali ifyondi, nga nali ipeye nga shaposele ko amino ayku ya iminina no kwasuka Lesa. Baibolo kuti yaba iya cula nga ili ibuku ili nono nga talya li mo. Nenfumu yakwa Lesa kuti yaba iya cula ukwa bula iwe. Mwi buku ili tu mona Lesa ale bonfya akalumba, ici sabi ici kulu sana, umuntu uwu shunfwilila abantu bambi, iluba, ne ulutiti (imititi). Bushe imititi shali palwa ne fya bupe uku kucila? Kanshi Lesa kutiaku bonfya uku cita ifintu ifi kulu sana. Lesa ali kwatisha sana amaka kuti acita ifili fyonse nga lefwaya uku bomba incito.

Takwaba umwina Kristu uwa kota sana, olo uwa cula sana, olo uwu shasambilila, olo uwa tumpa sana, olo uwa lwalisha sana uwo Lesa teti abonfye munshila iyi suma. Teti tu pwiliki she ili lya shi ili kalamba pano. Pe lyashi ili, kuti mwa mona Takwaba uku kota kuli lesa (in English).

Bushe ula tetekela ati tapali lesa ifyo nga filwa uku cita? Bushe ula tetekela ati Lesa kuti abusha umuntu uwa fwa? Bushe ula tetekela ati Lesa kuti abusha umuntu uwafwa nga wa mu pepela? Ayo amalembo ‘nga wa mu pepela’ ta ya pili bula ati Lesa kuti afilwa. Bushe ula tetekela ati Lesa kuti apususha imeo ishingi sana? Ninshi ufwile uku tetekela Lesa kuti apususha imeo ishini uku bonfya iwe.

Lesa kuti acita ifi papusho, nga teti aficite ninshi te Lesa. Ninshi ni Lesa uwa bula amaka.

Ule yeba ati, ‘Tapali ifyo Lesa enga filwa uku cita uku pitila noku bonfya ine.’

Umuulu wonse nawiminina pa tu kondo muku fwaisha uku mona ifintu ifi kalamba ifyo uka cita ifi ka langa ubu suma bwa ba Lesa.

Takwaba umuntu uwa kwatisha incende iyi kulu mu mutima wakwa Lesa nga iwe: Na Baibolo ila tweba ici icishinka

Mwi buku lya Galatia 2:6-9, Paulo ale landa pali Petro, Yacobo (James) na Yohane. Nga kwali abenga landa ati ba li kwata incende iyikulu sana mu mutima wakwa Lesa nyaba abaume. Ebali aba nankwe bakwa Yesu lintu ayendele pano calo. Kuntashi, abantu ababetile ifishintililo fya cheyichi. Ukwabula ifi shintililo, Cheyichi yonse kuti yawa. Paulo alembele pali aba abaume, ‘ifyo bali tafi panga ubupusanyo; Lesa takwata akapatulula.’ Paulo alandile pali Petro, umwaume abantu ba sumbwishe nga Kapepapesha (ulya beta ati ba pope) waku balilapo. Ne cinshingwa cakwe cali poseshe abantu. Paulo alelanda pali ba kapepesha bama cheyichi yabo aya kulu, ilyo alandile, ‘ifyo bali tafi panga ubupusanyo kuli ine; Lesa takwata akapatulula.’ Yebe wemwine ati, ‘Baibolo itila nali kwata incende iyi kulu mu mutima wakwa lesa nga Petro (Peter), Yacobo (James) na John (Yohane).’

Ubushiku bumo abasambi bakwa Yesu ba ebele Yesu ati banina ba lefwaya uku landa nankwe. Yesu ayaswike ati ‘ba mayo bandi ni ba ni? Uwuli wonse uwacita ubu fwayo bwa kwa Lesa eba mayo’ (Luka 8:20-21).

So uwu li wonse uwunfwila Lesa noku cita ifyo alefwaya alikwata insambu shimoshine isha kwata Maria. Uwu li wonse uwunfwila Lesa noku cita ifyo alefwaya alikwata incende imo iyine mu mutima wakwa Lesa nge yakwata banina.

Nayimbi inshita iyo Yesu ale shimikila icebo, namayo umo aishile punda ati ‘ba noko ba li palwa paku kufyala.’ Bati Yesu ayaswike ati uwa palwa ni ulya umuntu uwunfwila Lesa noku cita ifyo alefwaya (Luka 11:27-28).

Yesu afyelwe umukumo. So umwanakashi umo ewalingile uku fyala Messia. Ilyo elya li ipalo lyakwa Maria.Bati kumupashi, twali palwa bonse fimofine.Mu li Efeso 1:3 Baibolo itila ati alitu pala bonse na yonse amapalo yakumushi. Kuti fyaba shani inshila iyimbi? Yesu ngali fwilile (ali tupeele fyonse) aba sambi (abantu aba bembuka), nifinshi efyo engatutana fwe bana bakwe aba sanfiwa no mulopa wakwe? Nga filya Baibolo itweba, pantu Lesa ali mitemwisha sana kuku mi peela umwana fye umo uwakwe – ica bupe ica mu tengo sana uku cila fyonse pano isonde – teti kube efyo enga mitana olo efyo enga filwa uku mi peela (Abena Roma 8:32, kuti mwa mona na 1 Corinti 3:21-22).

Yebe wemwine ati, ‘Nali palwa kumu pasha ngo uwuli wonse.’

Wali kwata inchende iyi kulu sana mu mutima wakwa Lesa

Uku fuma ku bwaiche bwandi, lintu nali nemyaka ishinono, nali temwene sana ukwafwa ba shikulu uku kula na ma bloko (amabwe yalya ba bumba na maloba). Nga ba lekula ine na leba nabo inshita yonse nde bafwako. Uwu li wonse kuti acita incito iyili yonse uku cila umwana umunono. Bati ba shikulu balitemwene efyo nalecita. Nali kwete incende iyi kulu mu mutima wabo. Ici icitemwiko ne ncende nakwete mu mutima wabo eca lengele ukuti bansuminishe uku bafwako.

Na iwe wali kwata incende iyi kuulu mu mutima wakwa Lesa. Kuli ena tapali uwinga kusendala olo uwinga pyanina pa ncende iyo wakwata mu mutima wakwa Lesa. Ba Lesa ba bomba ukwa bula amaka ya muntu. Bati insansa shabo teti shibe isha fika po ukwa bula naiwe uku bafwa noku lunda po amaka yobe.

Ba shikulu bandi ba lefwaya na ine inbemo muncito ba le cita. Amaka yandi ta yalefwaika bati ica lengele ati bansuminishe uku bomba nabo ci temwiko bankwatile ne ncende ilya iyikulu nakwete mu mutima wabo. Lesa nankwe ale fwaya umwafwe mufintu alecita.Tontonkanya po pali ico – Incito yakwa Lesa encito iyikalamba sana pano isonde. Lesa alikwata incito iyikulu sana; Incito iyamuyaya iyo alefwaya umwafweko. Iwe wine. Kuli Lesa uli mukulu!

Kuli Lesa, uli musuma. Nale tontonkanya ati nifyo fine, ni fyofine balanda Lesa alintemwa ali temwa na bantu bonse. Kuli ena, ndifye umo mu bengi ebo atemwa.Nale tontonkaya ati pa bana bakwe, pali ba ebo atemwa ukuncila bambi. Nale mona kwati nalei chefya paku tontonkanya munshila iyi. Bati nale tunka lesa noku mweba ati ici temwiko cakwe taca pwililika, ca liba ica patuka. Muku tontonkanya mu nshila iyi nale ita Lesa uwabufi. Takwaba uku iyichefya mu kutontonkania munshila iyi! Lisambi.

Lesa ali cila abantu bonse. Mukulu ukucila abantu bonse pano isonde. So ngoli mukulu kuli ena, ninshi uli mukulu! Tapali ifi langa uku ichefya mukweba Ba lesa aba mano yonse ati naba lufyanya.

Kuti naya shani kuli Ba Lesa aba suma aba maka yonse aba sumwine umulopa pamu landu wandi noku beba ati, ‘tapali efyondi kuli imwe.’ Kuti naya shani palupanda epo nali noku ifwila noku lolehsa mu menso ya kapususha wandi noku mutunka uku temwa bambi ukucila ine. Afwilile ine! Nifinshi fimbi efyo nala mwi pusha epo nshi lasumina ati ndili mukulu kuli ena! Infwile ukunfwa ububi pe samba ili nefyo ni ngofwa nga nali peye umuntu.

Ca li landwa ati kabolala uwu bombela kumimana (ulya uwiba ifintu mu maboti . . .aba sungu ba mwita ati ‘pirate’) alipeye umuntu. Ali tinine pa fyo acitile, ale filwa noku lala cila bushiku.Ali twalilila ukwipaya.Ayishile fika palya apa kweba ati nangu ayipaya, ali leka ukunfwa ububi. Ale bonfya ne mibili ish ba fwa ebo aleipaya nga pilo paku sendama. Efyo twaba fwe bengi. Twali bembuka muku tontonkanya ifi, cali belela noku belela, cali kosa noku kosa nge libwe. Kuli yambi amasambi limbi imitima shesu shalyanguka bati isambi lyakutontokanya ati uli munono ne lyaku filwa uku tetekela lyali tu kosesha imitima shesu.

Abalwala ifibashi ba lufya utukondo, limo nemyona shabo shila luba.Balandile ati ubulwele ubu ebwa lengele. Bati ba Dokota aba sambilila ba ambile ukwipusha amepukisho. Ishina lyabo ati ba Dr. Paul Brand baishile mona ati uwa lwala ifibashi nga baya muku sendama baya fye bali bwino bati nga ba buka, ba buka ukwabula utukondo.Tapali uwusanga utukondo twabo.Ayishile sanga ukwebati bakoswe bale lya noku sheta utukondo! Ifi kuti fyacitika shani? Caba ifi pantu abafibashi bala leka ukunfwa. Ubu ebwafya bwesu.Twali lu fya ukunfwa muli kampinga wesu nga caisa muku tontokanya pafyo Lesa atumona. Satana eci – Koswe ica ina – icamba ukutusheta. Mucifulo ca ku mutanfya, tatu unfwa noku unfwa ati alecita ifi. Tulemufwaisha Lesa kuti enga lenga twayamba uknfwa nokwishiba muli kampinga na mu mano yesu.

Uku Fikapo

Twafika pamuulu welyashi. Ili ilyashi mu ma lembo aya kuti yakwimya munshiku ishinono olo nafuti kuti yaku bwesha panshi.Ninshi iwe tapali efyo wasambilila. Olo kuti waya belenga no mutima umo uwa kunfwa noku konka. Ninshi kuli iwe kuti lyaba ilya kupilibusha umweo obe, Kuti lyaku panga uwa maka munfumu Yakwa Lesa. Lesa aku pangile ati wingaba na maka munfumu yakwe.

Cila tinya nga wa tontokanyapo ifyo icalo cipuswa nga abena Kristu baletontokaya ati tapali efyo baba kuli Lesa. Takwaba umwina Kristu uwo Lesa teti abonfye mu ku leta imeo shingi kuli Yesu nga bufwayo bwakwe Lesa. Takwaba umwina Kristu uwo Lesa teti abonfye muku cinja icalo ca buntunse. Bati nga na twikatilila kumatontokayo ayabunono, ifi teti fititike. Ici cishika. Nga twaikakulu kwisambi ili kuti kwa tu pingula bati nga twaleka Lesa atukakula kwisambi ili, kula mu pingula sana.

Uku leka uku tontokanya ati uli munono, kwa li shupa ko. Kwali shupa ngo kuleka ukunwa ubwalwa kwashupa. Tulafwaika Lesa atukakula mu myeo shesu. Ukukakulwa kwambila noku sumina ati cishinka ulaimona umunono mumenso yakwa Lesa.Twali pata isambi.Tufwile twa sumina ati twaliba kaboi kwisambi ili olo futi Lesa fye ewinga tu kakula.

Kuti wa pepa ipepo ili. Pepa amashiwi mwi pepo ili ayali yonse eyo ulesumina nayo.

Mwe Lesa mu cikuku chenu yambeni ukwisula amano yandi ku bukuulu kwamembu shandi. Nali bembuka mukutontonkanya ati paliba ebo mwatemwa ukucila bambi. Nali bembuka muku tontokanya ati nshakwata incende iyikuulu mu mutima wenu. Nali bembuka muku tontokanya ati tamu fwaya ukumbonfya ku kucita ifintu ifikuulu ifya muyaya ifi kaleta ubukata kuli imwe.Uku tontokanya kwaifi (ati ndili mu nono mu menso yenu) kwalingonaula.Mu mulopa wa ba Yesu, nalomba ubwelelo. Nalomba ukukakulwa ukwapwililika ku matontonkanyo aya.

Nalanda nomba ati mu lefwaya ukucita ifikuulu ukupitla muli ine. Nakana yonse amatontonkanyo yabu nono. Nalomba amaka yenu kuti ninga cinfya aya amatontokayo. Mwe Lesa mwi leka inkatontonkanyepo aya amatontokanyo ukwabula ukunfwa ububi ubukalamba paku tonkanya ati ndili mu nono kuli imwe. Olo finga mpingula shani, sumbulweni mu mweo wandi.

Ukwikalila uwa cinfya inshita Yonse

Imyaka ne mayaka, amatontonkanyo nokunfwa ati tapali efyondi ya lesa mu mutwe wandi. Nali lembele ibuku ilya le landa pa fyo bonse twi nga citla Ba Lesa ifi suma. Nale li belenga sana ili ibuku pantu lya lekoselesha sana. Nale li belenga cila bushiku, cila mwaka na lyonse fye. Nale bwelela mu kunfwa ububi nga naleka ukubelenga ili ibuku.

Ndefwaya naiwe wikatilile kuli ifi ifishinka. Fi belenge inshita yonse pakuti ukekekalilile uwa cinfya. Satana mu maka yakwe yonse alafwaya ati iwe ulabeko pali aya amashiwi.Tufwile twayekatilila kwati imyeo shesu epo shi shintilila. Lesa alefwaya ukukupanga uwa maka mu bufumu bwakwe.

Ufwile wa ipusha Lesa kuti aleka kapingu wobe uwa mano aikatilila ici icishinka. Nge pepo lya ba Lesa – ‘tu peni ubushiku buno ica kulya ca lelo . . . mwi tu twala mukweshiwa’ – ici cila twabe ati tu fwile tu le lomba amaka no bwafwilisho kuli Lesa pakuti ale tu talusha ku mesho. Ukwabula ifi twaku labepwa ati kuti twaiminina ukwabula lesa. ‘Lekeni wonse uwu mona kwati kuti aiminina acenjele,’ pamtu kuti apona (1 Korinti 10:12).’ Kafwa wobe Mupashi wamushilo ekala muli iwe olo futi alaba naiwe inshita yonse. Kuti wabwelela inuma olo wapona ukwabula ukwishiba, bati ufwile uku lolesha noku lombe Lesa kuti ale kwibusha noku kucingilila nga nga wayamba uku bwelela inuma.Ala ku cingilila nshita yonse.

Amatontonkanyo ayabi yala bwela bati ufwile uku yakana noku yonaula. Amatontonkanyo ayabi ya fuma kuli satana. Teti tu lande ati kuti twaleka uku tontonkanya olo ati kuti twa tontonkanya pa fintu fibili pamukumo. Kuti twa tontonkanya fye pa cintu cimo. So efyo twinga cita ama tontonkayo ayabi nga yaisa, tufwila uku tontonkanya pafisuma ifya pusuna nafilya ifibi ifya isa mumutwe wesu. Ku tontokanya pafisuma efya ba mu cebo ca kwa Lesa. Ci katili le kwati oko umweo wobe uleshintila. Nga filya aba samba mu menshi bekatilila kuntambo nga bali mu menshi.

Mu tanfyeni satana munshila iyili yonse iyo mwinga tanfi shamo kabolala. Mu fwile mwaishiba ati ala pilibula icebo cakwa Lesa noku tubepa ubufi. Baibolo itweba ati e ico nakileni lesa; kaaneni satana alafulumuka kuli imwe (Yacobo 4:7). Ala bendelela ukubwela, bati ngolelolesha kuli Lesa, iwe uka ba uwa cinfya inshita yonse.

Ukupwisha: Ifi lenga isambi lya kutwishika libelelele mu matontonkanyo yesu

Amalembo aya twafikapo ya landa pafya lengele imbelele ukula tontonkanya amatontonya ayabi (nga yo twafuma muku landapo). Ifya lengele kuti wambe uku tontonkaya amatontonya ayabi kuti fya pusuna naine, bati cila ba ica kwafwa ukukwishibisha ifibi ifi fumamo nga tu le tontonkanya amatontonya ayabi.

Nalitemwene ukuibika panshi sana mu ci tetekelo ca kwebati umuntu wonse owo nalelanda nakwe kuti angangufwilako uluse noku jenba amashiwa yalya ayakunsumbula noku njimya. Nali bebele uku tontonkaya amatontonkanya ayabi ica kwebati ubushiku bumo nali isa kumaya umuntu uwa njebelepo. Mu ci fulo ca ku nkoselesha nokunjimya, efyo uyu umwanakashi anjebele fya li fishinka. Anjebele ati efyo nale panga paku tontonkaya ifi lisambi lyekalyeka. Nali fulwile paka naishile amba uku iyimona bwino bwino. Nalei panga umuntu uwu shintilila pa bantu bambi uku njimya. Nale fwaya abantu bambi uku ncitila ifyali incito yandi. Efyo nalecita fya le langa ati nale fwaisha po sana abantu ukunsubula ukucila Lesa. Lesa alitu sumbula kale. Nga abantu banjeba efyo nalefwaya ukunfwa, naleunfwa bwino bati nshaishibe ati nale kusha noku belela mumatontonkayo neshi imicitile.

Ngo bu nonshi bwa ku kwata efyo ulefwaya kwali lowa, ubu nonshi bwakwishiba ici icishinka kwali loweshapo. Inshila imo iya angukapo iyi lenga ati ubwekeshepo uku la tontonkaya amatontonkanyo aya ku yeba ati wala filwa olo tawa cite bwino. Ngo le yeba ifi ninshi ule mona ifyaku peela Lesa munshila iyibi. Efyo nale cita paku tontonkaya ifi ni fi; nale unfwisha Lesa ububi, nale bwesha ishina lyakwe panshi noku panga ulu bembu lwaku kana ukutetekela – mu ci (limo noku laba uku konka kampingu wandi) fulo ca ku njimya noku unfwa bwino.

Nangu naliishibe ati icitetekelo ci lasekesha Lesa, na lishibe nokwebati uku tampula itampulo lyaku tetekele nako kula tinya. Cali nakapo uku cita ifya yangu kapo.

Uku sala po ifya mano fya linshupile nafuti. Nafuti Lyonse umuntu ansekele, nale unfwile ububi.

Ukubelela kwa ku cita ifibi kwali kwata ukunfwabwino ukwi kala fye inshita iyinono. Umwaya intanshi isambi li leta fye ukutipwa ukulesha twila kwata insansa ne calo Lesa atupangile. Nga tule lolesha kuli Yesu cila bushiku, itipo ili li lonaika.

Aya amalembo te yakushitisha.

Not to be sold. © Copyright, 1997, 2012 Grantley Morris. Kuti mwayasanga pa internet site www.net-burst.com.Tawa lipeela paku pokelela, naiwe peela ukwabula ukupingula. Nayambi amalembo ayasuma aya landa pa li Lesa eyo alemba.